Рәхим итегез!

Татарстан башкаласында илебез белән Көньяк-Көнчыгыш Азия дәүләтләре ассоциациясе арасындагы мөнәсәбәтләрнең 35 еллыгына багышланган Россия – АСЕАН саммиты старт ала.

Анда ил Президенты Владимир Путин катнашачак. Ул шул исәптән АСЕАН дәүләтләре делегацияләре башлыклары белән ике яклы очрашулар уздырачак. Кичә республикага Вьетнам Премьер-министры Ле Минь Хынг, Таиланд Премьер-министры Анутин Чарнвиракул, Малайзия Премьер-министры Әнвәр Ибраһим һәм башка бик күпләр килде инде.

Юбилей очрашу барышында:

• Лидерлар Россия һәм АСЕАН стратегик партнерлыгына күзәтү ясаячак, сәяси, икътисади һәм гуманитар өлкәләрдә хезмәттәшлекнең яңа юнәлешләрен билгеләячәк.
• Казан декларациясен һәм Россия – АСЕАН комплекслы гамәлләр планын да кертеп, уртак документлар кабул итү көтелә.
• Россия – АСЕАН эшлекле форумы узачак, анда илебез һәм Көньяк-Көнчыгыш Азия дәүләтләренең эшмәкәрләре сәүдә-икътисади хезмәттәшлек перспективалары турында фикер алышачак.

Элегрәк Рөстәм Миңнеханов билгеләп үткәнчә, «Ил җитәкчелеге, шәхсән Президент Владимир Владимирович Путин Татарстанга илебез өчен зур масштаблы һәм бик әһәмиятле халыкара вакыйганы уздыруны ышанып тапшырды. Бу безнең барыбыз өчен дә зур хөрмәт һәм зур җаваплылык».