Фермер хуҗалыгы башлыгы Кадәрия Лотфуллина үз эшчәнлеген 2014 елда Алексеевск бистәсендә авыл хуҗалыгы кошларын үстерүне агымга куеп башлап җибәрде. 2016 елда предприятие Осиново бистәсенә күчеп килә һәм ярымфабрикатлар һәм кош итеннән әзер әйберләр җитештерү белән шөгыльләнә башлый, соңрак фермер продуктларын сату буенча кибет һәм ресторан комплексы ачыла.
Гаилә фермер хуҗалыгы продукциясе «Гудакен» бренды белән чыгарыла. Татар сатып алучылары өчен гадәти булмаган бу атама кош итеннән кыздырма дигәнне аңлата, Аны оригиналь ысул белән әзерлиләр: тавык түшкәсен үрдәк эченә, үрдәкне күркә эченә салалар.
Фермер Кадәрия Лотфуллинаның төп эшчәнлеге – яшь кош-корт үстерү һәм каз, күркә, үрдәк һәм бройлердан ярымфабрикатлар җитештерү. Котлетлар, пилмәннәр һәм мантылар кулдан ябыштырыла, вакуумлы савытта каклаган итләр җитештерү башлана. Җитештерелә торган фермер продукциясенең төп өлешен бөтен Россиядән күпләп сатып алучылар сатып ала, шулай ук Казанда авыл хуҗалыгы ярминкәләрендә ваклап сату оештырыла.
Заем акчаларын җәлеп итүгә фермер хуҗалыгы башлыгы беренче тапкыр гына килми, 2019 елдан башлап Кадәрия Лотфуллина Россельхозбанктан 4 кредит ала, ә Гарантия фонды поручительлек бирә. Быел заем акчалары 14,8 млн. сум күләмендә фермерга эре заказларны үтәү, кошлар һәм алар өчен азык сатып алу өчен кирәк булды.
.jpg)