«БАЗИС – ТЕРРА» ҖЧҖ

«Базис-Терра» ҖЧҖ компаниясен төзү тарихы 2007 елдан башлана, ул вакытта компания белгечләре галимнәр белән берлектә юллар төзү, автомобиль юлларын ремонтлау һәм эксплуатацияләү өлкәсендә инновацион продуктлар эшли башлый. «Базис-Терра» ҖЧҖ компаниясе белгечләренең гомуми нәтиҗәсе булып базарга беренче продукт – «Адгезол-1» адгезион өстәмәсен чыгу тора.


2008-2015 елларда автомобиль юлларының сыйфатын һәм карап тотуны яхшырту өчен «Базис-Терра» компаниясе берничә инновацион продукт чыгара, мәсәлән, «Адгезол» ПБА маркалы битум адгезион присадкасы №2, №3, №4, №5, №6 1 һәм 2 маркалы «Дорсан» асфальт-бетон ПАБына сеңдерү. Компания продуктлары юл битумнарының сыйфат күрсәткечләрен яхшырта, битумның таш материалга ябышуын көчәйтә һәм түбән температураларда асфальтның сыгылмалылыгын арттыра.

2017 елда «Базис-Терра» компаниясе тарафыннан битумлы сеңдергечләр заводы төзү, атап әйткәндә, юл химиясе продуктларын импортны алмаштыра торган һәм экспортка юнәлтелгән технологик производство булдыру планлаштырылган була. Әлеге проектны гамәлгә ашыру өчен «Базис-Терра» компаниясе 45 млн сум күләмендә заем финанславын җәлеп итә. Заем финанславын алуда Татарстан Республикасы Икътисад министрлыгы карамагындагы Татарстан Республикасы Гарантия фонды ярдәм итте, ул «Стандарт» продукты кысаларында 22,5 млн сум күләмендә поручитель булды.

Битумлы сеңдергечләр җитештерү заводы импортны алмаштыра торган юл химиясе продуктларын - адгезион битум өстәмәләрен һәм юл төзелеше, юллар һәм аэродромнар эксплуатациясе өчен сеңдергечләрне әзерләү процессын гамәлгә ашыра.

2019 елда «Базис-Терра» компаниясе яңа инновацион продуктны коммерцияләштерү һәм аны базарга чыгару максатларында инновацияләргә ярдәм фондының (Бортник фонды) грант программасында катнашты.

2023 елда җитештерү күләмнәрен арттыру һәм чыгарыла торган продукция ассортиментын киңәйтү өчен «Базис-Терра» компаниясе кабат заем финанславын җәлеп итте. Татарстан Республикасы Икътисад министрлыгы карамагындагы Татарстан Республикасы Гарантия фонды 54 млн.сум күләмендә «Ярдәм – 2023» продукты кысаларында кабат поручитель булды, аның буенча компания отышлы шартларда 150 млн. сум күләмендә кредит рәсмиләштерә алды һәм алынган акчаларны җитештерүне алга таба үстерүгә юнәлдерде.

«Базис-Терра» компаниясе планнарында җитештерүне киңәйтү дә, продукция ассортиментын арттыру да бар.