«Медфармсервис» компаниясе, пациентка зыянны киметү максатыннан, аз инвазив ысул белән югары технологияле операцияләр үткәрү методикасын эшләп, 1999 елдан бирле эшли. Компаниягә нигез салучы Александр Чукарин җитәкчелегендәге оешма төрле тикшеренү методикаларын үткәргәндә кулланыла торган системалар рәвешендәге уникаль эндоскоп инструментарийларын һәм башка төр җайланмаларны җитештерә.
«Медфармсервис» компаниясенең ике үз производствосы бар, аларның берсендә Питрәч районының Пановка авылында металл эшкәртелә һәм детальләр әзерләнә, икенчесендә Казан шәһәрендә әзер әйберләрне кулдан җыялар.
2023 елда «Медфармсервис» Татарстан компаниясе Татарстан Республикасы Икътисад министрлыгы карамагындагы Татарстан Республикасы Гарантия фонды ярдәменнән файдаланды, аңа 25 млн сум күләмендә поручительлек бирелде, бу компаниягә 4 заманча югары төгәллекле станок сатып алырга һәм медицина җиһазлары өчен импортны алмаштыра торган комплектлаучы детальләр чыгару буенча яңа җитештерү цехы ачарга мөмкинлек бирде.
«ИВФ «Медфармсервис» ҖЧҖ компаниясе продукциясе бөтен Россия буенча сатыла, шулай ук якын чит илләргә экспортлана.
«Медфармсервис» компаниясе планнарында - профильле җиһазлар сатып алу, продукция ассортиментын арттыру һәм җитештерүне киңәйтү.
.jpg)