«КАМА–АГРО» ҖЧҖ

Балык Бистәсе муниципаль районының Олы Елга авылында урнашкан «Кама – Агро» ҖЧҖ барлыкка килү тарихы 2016 елдан башлана. Ул вакытта эре мөгезле терлекләр саны 100 баш тәшкил иткән.

«Кама – Агро» җаваплылыгы чикләнгән җәмгыятенә «Кабат андеррайтингсыз механизм» продукты буенча барлыгы 25 млн сум күләмендә ике тапкыр поручитель булган Татарстан Республикасы Икътисад министрлыгы буйсынуындагы Татарстан Республикасы Гарантия фонды ярдәме белән авыл хуҗалыгы предприятиесе нәселле таналар, тракторлар сатып алу һәм хуҗалыкны үстерү өчен 50 млн сум күләмендә заем финанславын җәлеп итә алды.

Бүгенге көндә «Кама – Агро» ҖЧҖ Балык Бистәсе районының әйдәп баручы авыл хуҗалыгы предприятиеләренең берсе булып тора, ул сөт һәм ит җитештерү, шулай ук бөртекле һәм азык культуралары үстерү белән шөгыльләнә. Хуҗалык эре мөгезле терлекләр тоту һәм культуралар үстерү өчен кирәкле техника һәм бүлмәләр белән җиһазландырылган.