«ПЛКГРУП» Татарстан компаниясе заем финанслауны рәсмиләштергәндә җитештерүне үстерү һәм продукция ассортиментын арттыру өчен ике тапкыр Татарстан Республикасы Икътисад министрлыгы карамагындагы Татарстан Республикасы Гарантия фонды ярдәменнән файдаланган, ул «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында 31,4 млн сум күләмендә поручительлек биргән, шуның ярдәмендә компания 64,5 млн сумга отышлы шартларда кредит ала алган.
Бүгенге көндә «ПЛКГРУП» компаниясе газ конденсаты һәм нефть ятмаларын төзекләндерү объектларының, газ эшкәртү калдыклары, газ конденсаты һәм нефть эшкәртү объектларының технологик җиһазларын проектлау, нефть-газ предприятиеләре өчен технологик җиһазлар һәм җайланмаларны әзерләү, китерү, монтажлау һәм технологик җиһазларны эшләтеп җибәрү эшләрен башкару, шулай ук төзелеш, реконструкция һәм модернизацияләү белән шөгыльләнә торган предприятие булып тора.
Предприятие технологик җиһазларны гамәлгә кертү буенча, колонналы, сепарацион һәм фильтрацион җиһазлар өчен эчке җайланмаларга конструкторлык документациясен эшләүне, эчке җайланмалар, савытлар һәм технологик блоклар ясауны, шулай ук объектларны сепарация һәм абсорбция нәтиҗәлелегенең инструменталь үлчәмнәрен кулланып тикшерүне дә кертеп, берничә хезмәт күрсәтә.
«ПЛКГРУП» компаниясенең Татарстан Республикасы Лаеш районында үз җитештерү базасы, кирәкле рөхсәтләр булган сервис бүлекчәсе, берничә чиктәш тармакта югары квалификацияле инженерлар белән проект офисы бар.
Татарстанның «ПЛКГРУП» компаниясе продукциясе бөтен Россия шәһәрләрендә, Калининград шәһәреннән алып Якутск шәһәренә кадәр тәкъдим ителгән. Предприятиенең Үзбәкстанда һәм Казахстанда үз вәкиллекләре бар.
«ПЛКГРУП» предприятиесе планнарында җитештерүне киңәйтү дә, продукция ассортиментын арттыру да бар.
.jpg)