Нефть һәм газ скважиналарын ремонтлау һәм эксплуатацияләү өчен җайланмалар җитештерү буенча «Спектр» җаваплылыгы чикләнгән җәмгыятенә Менделеевск муниципаль районында 2020 елда нигез салынган һәм бүгенге көндә дә ул динамик үсештә.
Төзелгән вакытында оешма инвестиция проектының бизнес-планын төзү белән, шулай ук киң станоклар паркы һәм лицензияле сынау лабораториясенә инвесторларны һәм компанияләрне эзләү белән актив шөгыльләнгән.
2020 елда нефть чыгару, скважиналарны ремонтлау һәм экологик мәсьәләләр өлкәсендә нефть-газ сәнәгате өчен югары технологияле нефть сервисы хезмәтләре күрсәтә торган оешма предприятиенең инвесторы булган. Шул ук елда предприятие үзенең станоклар паркы һәм җиһазларны сынау өчен сертификацияләнгән лабораториясе булган оешма белән килешү төзегән.
2021 елда компания ТР Менделеевск муниципаль районының ТОСЭР резиденты була.
2024 елда җитештерү күләмнәрен арттыру һәм чыгарыла торган продукция ассортиментын киңәйтү өчен Татарстан компаниясенә заем финанславы кирәк була. Татарстан Республикасы Икътисад министрлыгы карамагындагы Татарстан Республикасының Гарантия фонды предприятиегә гарантияле ярдәм күрсәтте һәм «Ярдәм–2024» гарантия продукты кысаларында 2,5 млн сум күләмендә поручитель булды, шуның нәтиҗәсендә компания, алынган акчаларны җитештерүне үстерүгә юнәлтеп, ташламалы шартларда кредит оешмасында 5 млн сум күләмендә займ рәсмиләштерә алды.
Шунысын да билгеләп үтәргә кирәк, өстенлекле тармакларда (эшкәртү производствосы, кунакханәләр һәм җәмәгать туклануы предприятиеләре эшчәнлеге, мәгълүмат һәм элемтә өлкәсендәге эшчәнлек, һөнәри, фәнни һәм техник эшчәнлек, креатив индустрияләр) эшчәнлек алып баручы эшмәкәрләр гарантияле ярдәмгә беренче чиратта дәгъва итә ала.
Уен бизнесы, финанс һәм иминият хезмәтләре белән шөгыльләнүче эшмәкәрләр искәрмә булып тора.
2025 елда компания Татарстан Республикасы Менделеевск муниципаль районы башлыгы Р.И. Беляевның хисап сессиясен уздыру кысаларында оештырылган махсуслаштырылган күргәзмәдә катнаша, үз продукциясен Татарстан Республикасы Премьер-министры урынбасары – Татарстан Республикасы икътисад министры М. Р. Шаһиәхмәтовка тәкъдим итә.
Бүгенге көндә «Спектр» компаниясе нефть-газ чыгару һәм нефть сервисы компанияләре өчен җиһазлар җитештерүче булып тора. Чыгарыла торган продукциянең төп төре булып нефть скважиналарын ремонтлау өчен пакер-якорь җайланмалары, шулай ук нефть алуны арттыру һәм нефть ятмаларында экологик хәлне яхшырту өчен скважинаның торба артындагы киңлегеннән газ суырту җайланмалары өчен комплектлау детальләре тора.
Компаниянең җиһазлар җыю өчен җитештерү егәрлекләре, шулай ук сынаулар уздыра торган үз җитештерү базасы бар.
Компаниянең планнарында - производствоны киңәйтү, шулай ук үз станок паркы һәм сынау лабораториясе белән тәэмин итү.
Эшмәкәрләргә ярдәм шул исәптән «Нәтиҗәле һәм конкурентлы икътисад» илкүләм проекты кысаларында ТР Икътисад министрлыгы карамагындагы «Минем бизнес» төбәк Үзәге тарафыннан да гамәлгә ашырыла.
.jpg)