«ЦСП «ОРТ-ПРОФИ» ҖЧҖ

«Орт–Профи» заманча протезлау үзәге компаниянең нигез салучысы һәм нәселле протезист Артем Козлов тарафыннан 2021 елда Казан шәһәрендә булдырылган. Компания оешкан вакытта хезмәткәрләр саны нибары 2 кеше тәшкил иткән.

«ЦСП «Орт–Профи» компаниясе аскы очлыклар өчен протезлар, умыртка сөяге өчен корсетлар, аскы һәм өске очлыклар өчен каты ортезлар ясау, шулай ук техник тернәкләндерү чараларын, шул исәптән ходункилар, култык таяклары, кул таяклары сату белән шөгыльләнә.
Протезлау эшләнмәләрен җитештерүдә «ЦСП «Орт-Профи» компаниясе гипоаллерген материал һәм, гипс күчермәсе һәм 3D–сканлау методларын кулланып, пациентның индивидуаль үзенчәлекләрен исәпкә алып эшләнмә әзерләргә мөмкинлек бирә торган заманча технологияләр куллана.

Үзәк территориясендә индивидуаль протезлау эшләнмәләре җитештерү дә, пациентларның үзләрен кабул итү дә гамәлгә ашырыла. Белгечләр түләүсез нигездә протез–ортопедия эшләнмәләре әзерләү, реабилитацияләү программасы буенча документлар рәсмиләштерү һәм Россия Социаль фонды акчалары хисабына протезны түләүсез алу мәсьәләләре буенча консультацияләр үткәрә, индивидуаль протез-ортопедия эшләнмәләре һәм реабилитацияләүнең техник чаралары тасвирланган медик–техник комиссия бәяләмәсен төзи.

«ЦСП «Орт–Профи» компаниясенең җитештерү күләмнәрен арттыру һәм чыгарыла торган продукция ассортиментын киңәйтү өчен заем финанславы кирәк була. Заем акчаларын җәлеп итү өчен компаниягә гарантияле ярдәмне Татарстан Республикасы Икътисад министрлыгы карамагындагы Татарстан Республикасы Гарантия фонды күрсәтте, ул «Кабат андеррайтингсыз механизм» продукты кысаларында 4 млн сум күләмендә поручитель булды.

Татарстан Республикасы Гарантия фонды ярдәме белән «ЦСП «Орт–Профи» компаниясе банкта 63 млн сум күләмендә кредит линиясе ача һәм производствоны үстерү өчен үз бинасын сатып алуга акча юнәлтә алды. Якын киләчәктә «ЦСП «Орт–Профи» компаниясе Казан шәһәрендә халыкка протез-ортопедия әйберләрен сайлап алу һәм әзерләү буенча хезмәтләр күрсәтү өчен яңа производство корпусы ачарга планлаштыра.

Бүгенге көндә «Орт–Профи» заманча протезлау үзәге «Метиз-Импэкс», «Отто Бокк Сервис», «Доктор Стеклов ортопедиясе» рәсми партнеры һәм тумыштан килгән үзенчәлекләре булган һәм төрле типтагы ампутацияләре булган төрле яшьтәге пациентлар өчен протезлар, корсетлар һәм ортезларның барлык төрләрен эре җитештерүче булып тора.

Протезлау вакытында чит шәһәр пациентларына кунакханәдә бушлай яшәү мөмкинлеге бирелә. Казанда кунакханәгә һәм протезлауга бару «Орт–Профи» заманча протезлау үзәгенең транспорты белән башкарыла.

Хәзер «ЦСП «Орт–Профи» компаниясендә 12 тәҗрибәле һәм профессиональ хезмәткәр эшли. Инженер-протезист Евгений Мукаев протезлау–ортопедия тармагында зур эш тәҗрибәсенә ия, оешма оешкан вакыттан бирле диярлек эшли. 30 елдан артык протез кулланучы буларак, Евгений Мукаев протезның нинди булырга тиешлеген ишетеп кенә белми. Актив тормыш позициясенә ия булып, ул пациентларга эш белән генә түгел, ә тормыш үрнәге белән дә реабилитацияләнергә ярдәм итә. «Орт–Профи» заманча протезлау үзәгенең барлык белгечләре протез-ортопедия эше өлкәсендә белем алу турында документларга ия һәм, семинарларда һәм укуларда катнашып, үз квалификацияләрен даими күтәрәләр.

«Орт–Профи» заманча протезлау үзәгендә инде 700 дән артык кеше протезлау узган, шул исәптән Әфганстан, Чечня сугыш ветераннары һәм махсус хәрби операциядә катнашучылар. Алар Татарстан Республикасы, Марий Эл, Мордовия, Удмуртия Республикасы, Ульяновск өлкәсе, Әстерхан өлкәсе, Самара өлкәсе һәм Россиянең башка бик күп төбәкләре пациентлары.

«ЦСП «Орт–Профи» компаниясе планнарында җитештерүне киңәйтү дә, җитештерелә торган продукция ассортиментын арттыру да бар.

Татарстан Республикасында илебез эшмәкәрләренә ярдәм Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасы Икътисад министрлыгы карамагындагы «Минем бизнес» үзәге тарафыннан гамәлгә ашырыла.