"БЬЮТИ ЛАЙН" ҖЧҖ

Бьюти-индустриягә ярдәм: Казаннан косметика продукциясе җитештерүче ТР Гарантия фонды ярдәмендә үсешкә 30 млн сумга якын акча җәлеп итте

ТР Гарантия фонды республиканың кече һәм урта бизнесына актив ярдәм күрсәтүен дәвам итә, кредитлар һәм заемнар буенча поручитель булып тора

Бу җирле җитештерүчеләргә залог тәэмин ителеше җитмәү сәбәпле элек ирешә алмаган проектларны гамәлгә ашырырга мөмкинлек бирә

«БЬЮТИ лайн» ҖЧҖ - үз лаборатор-җитештерү комплексы булган чәч, тән һәм тырнаклар өчен профессиональ косметика җитештерүче Россия җитештерүчесе

2019 елдан Казан компаниясе бөтен Россия брендлары өчен дә, үзенең LunaLine сәүдә маркасы белән дә косметик продукция эшли һәм җитештерә.

Лаборатор-җитештерү комплексы Татарстан җитештерүчесенә контрактлы җитештерүнең тулы циклын: фәнни тикшеренүләрдән һәм уникаль формулалар эшләүдән алып әзер продукция чыгаруга кадәр башкарырга мөмкинлек бирә.

2026 елда җитештерүне үстерү өчен Татарстан җитештерүчесенә заем финанславы кирәк була, әмма аны рәсмиләштерү өчен компаниянең залог белән тәэмин ителеше җитәрлек булмый.

Казан компаниясенә ярдәмне ТР Икътисад министрлыгы карамагындагы ТР Гарантия фонды күрсәтә, ул «Стандарт» гарантия продукты кысаларында килешү буенча 14,6 млн сумлык поручительлек бирә.

Гарантияле ярдәм ярдәмендә Татарстан җитештерүчесе кредит оешмасында 29,2 млн сум күләмендә заем акчаларын рәсмиләштерә һәм алынган акчаларны җитештерүне үстерүгә юнәлтә алды.

Бу предприятиегә җитештерүчәнлекне арттырырга, продукциянең югары сыйфатын тәэмин итәргә һәм бьюти-индустрия базарында позицияләрен ныгытырга мөмкинлек бирде.

Казан компаниясе планнарында җитештерүне киңәйтү дә, продукция ассортиментын арттыру да бар.

Дәүләт ярдәме һәм ТР Гарантия фондының ташламалы гарантия продуктлары турында тулырак мәгълүматны +7(843)293-16-94, +7(903)061-40-18 телефонннары, Бердәм контакт-үзәкнең +7(843)524-90-90 телефон номеры буенча, шулай ук турыдан-туры ТР Гарантия фондына Казан шәһәре, Мәскәү ур., 55 йорт адресы буенча мөрәҗәгать итеп мәгълүмат алып була:

Шуны да билгеләп үтәргә кирәк, Россиядә теркәлгән, әмма Татарстанда бизнесы булган эшмәкәрләр дә «Нәтиҗәле һәм конкурентлы икътисад» илкүләм проекты кысаларында ТР Гарантия фонды ярдәменнән файдалана ала.

Эшмәкәрләргә ярдәм шул исәптән ТР Икътисад министрлыгы карамагындагы «Минем бизнес» төбәк үзәге тарафыннан да гамәлгә ашырыла.