2023 елның 30 маенда 150 дән артык Татарстан эшмәкәрләре һәм үзмәшгульләре «Бизнес мәктәбе»ндә катнашты. Аны Казан кооператив институты һәм Татарстан Республикасы Эшмәкәрлеккә ярдәм фондының «Мой бизнес» үзәге катнашында Россиянең әйдәп баручы Wildberries маркетплейсы һәм «Маркетплейс.Легко» электрон сәүдә үзәге (ЦЭТ) оештырды.
Үзмәшгульләр һәм эшмәкәрләр интернет-сәүдә алып баруның юридик һәм финанс үзенчәлекләрен, шәхси кабинетта эшләүне, сатуны башлауны һәм маркетплейста товарларны танытуны өйрәнделәр, сатучыларның киң таралган хаталары һәм алардан качу юллары белән таныштылар.
Бу - Wildberries маркетплейсының Татарстан Республикасында беренчесен гамәлгә ашырыла торган икенче белем бирү проекты инде. Исегезгә төшерәбез, узган елның көзендә Татьяна Бакальчук шулай ук Казанда «Wildberries сатучылар мәктәбе»н ачты. Ул вакытта бушлай укыту курсы барышында маркетплейс белгечләре Татарстан эшмәкәрләре һәм үзмәшгульләре белән сатуны уңышлы башлап җибәрү серләре белән уртаклаштылар, товарларны төрү һәм сатып җибәрү үзенчәлекләре һәм аларны таныту турында сөйләделәр.
Исегезгә төшерәбез, Татарстан Республикасында маркетплейсларга чыгу буенча үзебезнең брендларга ярдәм Россия Федерациясе Президенты тарафыннан инициацияләнгән «Кече һәм урта эшмәкәрлек һәм шәхси эшмәкәрлек инициативасын яклау» милли проекты кысаларында Татарстан Республикасы эшмәкәрлекне яклау фондының «Мой бизнес» үзәге тарафыннан гамәлгә ашырыла.
