2023 ел башыннан алып Татарстан эшмәкәрләре тарафыннан федераль ярдәм программалары буенча 45 млрд сум тирәсе финанслау җәлеп ителде, республика чаралары кысаларында кече һәм урта бизнес субъектларына ярдәм итүгә тагын 5,5 млрд сум бүлеп бирелде. Бу хакта Татарстан ЦУР туры эфирында ТР Икътисад министрлыгының Эшмәкәрлекне үстерү департаменты директоры урынбасары Эмиль Хисмәтов сөйләде.
Татарстан Республикасы Икътисад министрлыгы вәкилләре турыдан-туры эфирда «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проектын гамәлгә ашыру барышы турында сөйләделәр.
ТР икътисад министры урынбасары Гүзәл Насыйбуллина билгеләп үткәнчә, республикада илкүләм проектлар 2019 елдан бирле гамәлгә ашырыла һәм гражданнарның барлык категорияләре өчен дә уңай шартлар тудыруга юнәлдерелгән.
Аерым алганда, бүген 500 мең сумга кадәр грант алырга мөмкин. Социаль өлкә эшмәкәрләренә яки 25 яшькә кадәрге яшь эшмәкәрләргә ярдәм күрсәтү - бу компаниядә өлеше 50% тан артык тәшкил иткән җитәкчеләр яки гамәлгә куючылар булырга мөмкин.
«Грант уртак финанслау шартларында бирелә - проектны гамәлгә ашыруның гомуми бәясенең кимендә 25%ын эшмәкәр үз акчалары исәбеннән кертә. 50 гә 50 дә, эшмәкәр теләге буенча 30 га 70 тә була ала. Иң мөһиме, алар проектның гомуми бәясеннән кимендә 25% булсын», - дип сөйләде Татарстан Республикасы Икътисад министрлыгының Эшмәкәрлекне үстерү департаменты директоры урынбасары Эмиль Хисмәтов.
«Узган ел программа буенча 120 проект финансланды - болар яшь һәм социаль эшмәкәрләр. Федераль программалар буенча ел башыннан безнең эшмәкәрләр тарафыннан 45 млрд сум тирәсе финанслау җәлеп ителде. Республика ярдәм чаралары буенча кече һәм урта бизнес субъектларына ярдәм итүгә 5,5 млрд сумнан артык акча бүлеп бирелде. Без күрәбез, безнең гарантия фондының поручительлек программалары буенча ярдәм күләме хәтта ярты ел эчендә бөтен 2022 елда күрсәтелгән ярдәм күләменнән артып китте ", - дип өстәде спикер.
Грантлар һәм ярдәм турында тулырак мәгълүматны «Минем бизнес» үзәгенең кайнар линиясе телефоны аша белергә була: 8 (843) 524-90-90. Шулай ук республика һәм федераль ярдәм чаралары турында мәгълүмат Татарстан Республикасы Икътисад министрлыгы сайтында урнаштырылган.
