«Минем бизнес» үзәге отчет тапшыру сервисына бушлай керү мөмкинлеген алуга гаризалар кабул итүне дәвам итә

«Минем бизнес» үзәге отчет тапшыру сервисына бушлай керү мөмкинлеген алуга гаризалар кабул итүне дәвам итә

Хезмәтне Татарстан Республикасы территориясендә теркәлгән кече һәм урта эшмәкәрлек субъектлары ала ала.

Ел башыннан хезмәтне 50дән артык эшмәкәр алды!

Хезмәт күрсәтү үз эченә түбәндәгеләрне ала:

• Теләсә кайсы регионга роумингсыз ФНС, ФСФР, Росстатка отчет тапшыру;
• Отчетларны әзерләү, тикшерү, йөкләү, редакцияләү һәм тапшыру;
• Отчетларны тикшерү, автоматик исәпләүләр һәм тутыру буенча киңәшләр;
• Отчетларны тикшерү, үзгәртү һәм 1Стан ФНСка, ПФРга, ФССка һәм Росстатка җибәрү модуле;
• Сату китабы һәм счет-фактуралар журналы буенча контрагентлар белән чагыштырып тикшерү;
• Контроль органнардан белешмәләр һәм өземтәләр;
• ФНС таләпләренә җаваплар әзерләү һәм җибәрү;
• СМС һәм email аша отчет статусы һәм контроль органнардан хәбәрләр турында искәртүләр;
• Законнар базасы белән белешмә-хокукый сервис;
• Оешмага финанс анализ;
• Сервис һәм предмет өлкәсендә тәүлек әйләнәсендә ярдәм һәм эш буенча консультацияләр.

Хезмәт күрсәтү «Кече һәм урта эшмәкәрлек» илкүләм проекты кысаларында башкарыла. Ярдәм программасында катнашу өчен МСП.РФ цифрлы платформасында «Региональ ярдәм чаралары» бүлегендә гариза бирергә, «Бер елга отчет тапшыру өчен сервиска бушлай керү мөмкинлеге бирү» хезмәтен сайларга кирәк.

Гаризаны карау нәтиҗәсен эшмәкәр МСП.РФ цифрлы платформасында шәхси кабинетында күзәтә алачак.

Хезмәт күрсәтү һәм башка ярдәм чаралары буенча өстәмә мәгълүматны «Минем бизнес» үзәгенең кайнар линия номеры буенча алырга мөмкин: 8 (843) 524-90-90.

Сурәт чыганагы: freepik.com