Гарантияле республика ярдәме нәтиҗәсендә Татарстан бизнесы «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проектын гамәлгә ашыру кысаларында рекордлы 15,9 млрд. сум күләмендә займ акчаларын җәлеп итә алды.
2023 елда республика эшмәкәрләре Татарстан Республикасы Икътисад министрлыгы ведомствосына караган Татарстан Республикасы Гарантия фондының 6,7 млрд сум күләмендә гарантияле ярдәменнән файдаландылар, бу аларга 15,9 млрд сумлык займ финансларын җәлеп итәргә ярдәм итте.
Татарстан Республикасы Гарантия фондының республикадагы кече һәм урта эшмәкәрлек субъектларына бирелгән йөкләмәләре саны, 2022 ел белән чагыштырганда, 463 данәгә яки 69% ка, ә бирелгән йөкләмәләр суммасы 2,9 млрд сумга яки 79% ка арткан.
Исегезгә төшерәбез, Татарстан Республикасының Гарантия фонды Банклар бәяләве буенча тотрыклы финанс хәленә ия дип саналган, әмма кредит алу өчен җитәрлек залог белән тәэмин ителмәгән эшмәкәрләрнең йөкләмәләре буенча поручительлек бирә.
Санкция басымы шартларында эшмәкәрләргә ярдәм итү өчен булдырылган «Ярдәм - 2023» ташламалы продукты кысаларында Татарстан Республикасы Гарантия фонды республиканың 376 компаниясе өчен 2,4 млрд сумлык поручителе булды. "Ярдәм - 2023" продукты буенча поручительлекнең максималь суммасы 70 млн сум тәшкил итте. Шул ук вакытта бүләкләү ставкасы минималь күрсәткечкә 0,5% ка кадәр киметелде, шулай ук беренче 6 айга акчалата түләүне кичектерү мөмкинлеге каралды.
Бүгенге көндә Татарстан Республикасы Гарантия фонды 41 банк, 5 лизинг компаниясе һәм 4 үсеш институты белән хезмәттәшлек турында килешүләр төзеде.
Татарстан эшмәкәрләре Татарстан Республикасы Гарантия фонды сайтында, +7(843)293-16-94, +7(903)061-40-18 телефоннары буенча, шулай ук Казан шәһәре, Мәскәү ур., 55 адресы буенча фондка мөрәҗәгать итеп гариза тапшыра, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак мәгълүмат ала ала.
Шуны да билгеләп үтәргә кирәк: Татарстан Республикасында үзебезнең эшмәкәрләргә ярдәм Россия Федерациясе Президенты Владимир Путин инициативасы белән булдырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасы Икътисад министрлыгы буйсынуында булган «Минем бизнес» үзәге тарафннан гамәлгә ашырыла.
