«ГК БАРС» җаваплылыгы чикләнгән җәмгыяте спортның барлык төрләре өчен спорт киемнәре җитештерү предприятиесе «Кабаттан андеррайтингсыз механизм» программасы буенча кредит алды. Заем акчаларын җәлеп итүдә Татарстан Республикасы Икътисад министрлыгы карамагындагы Татарстан Республикасы Гарантия фонды ярдәм итте, 12,5 млн сум күләмендә поручительлек бирде.
«ГК БАРС» җаваплылыгы чикләнгән җәмгыяте компаниясен булдыру тарихы 2016 елда башлана, ул вакытта Казан шәһәренең спорт мәктәбе өчен фирма логотибы белән спорт киемнәренең беренче партиясе эшләнә. Башта оешма, компаниягә нигез салучы Эмиль Сиразев җитәкчелегендә, кечкенә заказларны үтәү белән шөгыльләнә. Үсеш максатларында, дизайнерлар белән берлектә, «ГК БАРС» компаниясе сайты эшләнә, шулай ук тукымага төсле рәсемнәр бастыру өчен яңа җиһазлар сатып алына.
Тора-бара оешманың җитештерү ассортименты киңәя башлый. Җитештерелгән продукция Исемлегенә җылылыкны һәм уңайлылыкны саклый торган материаллардан демисезон һәм өске спорт киемнәре өстәлә.
2019 елда «ГК БАРС» компаниясе «BARSSPORT». сәүдә маркасы астында продукция чыгара башлый. Компанияләрнең фирма логотибы белән спорт киемнәре ясау һәм тегү өчен заказлар бөтен Россия буенча күп кенә спорт клубларыннан кабул ителә, бу «ГК БАРС» компаниясенең үсешендә һәм алга китешендә этәргеч була.
Спорт киемнәре җитештерү күләмен арттыру өчен «ГК БАРС» компаниясенә заем финанславы кирәк була. Татарстан Республикасы Икътисад министрлыгы карамагындагы Татарстан Республикасы Гарантия фонды «Кабатлаулы андеррайтингсыз механизм» продукты кысаларында 12,5 млн.сум күләмендә поручитель булып чыгыш ясады, аның буенча компания 25 млн. сум күләмендә кредитны отышлы шартларда рәсмиләштерә алды һәм алынган акчаларны җитештерүне алга таба үстерүгә юнәлтте.
Бүгенге көндә «ГК БАРС» компаниясенең клиентлары булып бөтен Россия буенча футбол, хоккей, волейбол һәм башка спорт командалары тора. Автоматлаштырылган җитештерү идарәсе компаниягә клиентларның заказларын оператив эшкәртергә һәм эшнең барлык этапларында продукция җитештерүне контрольдә тотарга мөмкинлек бирә.
«ГК БАРС» компаниясе планнарында җитештерүне киңәйтү дә, продукция ассортиментын арттыру да бар.
