Татарстан Республикасы Гарантия фонды Россия ислам университеты белән берлектә эшләнгән һәм Татарстан Республикасы Мөселманнары Диния нәзарәте Улемалары Советы тарафыннан хупланган «Даман» Ислам продуктын Әлмәт шәһәрендә Татарстан Республикасы мөселманнары Диния нәзарәте мөхтәсибләренең күчмә пленумын уздыру кысаларында оештырылган партнерлык финанслары базарында катнашучылар күргәзмәсендә тәкъдим итте.
Чара 2024 елның 21 августында яңартылган үзәк мәчеттә Татарстан мөфтие Камил хәзрәт Сәмигуллин рәислегендә Татарстан Республикасы Премьер–министры урынбасары – Татарстан Республикасы икътисад министры Мидхәт Шаһиәхмәтов, Татарстан Республикасы мөфтие урынбасарлары, казыйлар, республика имам-мөхтәсибләре, шулай ук гамәлгә куелган структуралар һәм Татарстан Республикасы мөселманнары Диния нәзарәте эшчәнлегенең барлык юнәлешләре җитәкчеләре катнашында узды.
Утырыш барышында Татарстан Республикасында ислам (партнерлык) финансларын гамәлгә ашыру мәсьәләләре каралды.
ТР мөселманнары Диния нәзарәте пленумын үткәрү кысаларында партнерлык финанслары базарында катнашучылар күргәзмәсе оештырылды. Татарстан Республикасы Икътисад министрлыгы карамагындагы Татарстан Республикасы Гарантия фонды директоры Рөстәм Мөхәммәдшин ислам хокукы кануннарына туры килгән һәм Татарстан Республикасы мөселманнары Диния нәзарәте Голәмәләр шурасының поручительлек бирү буенча яңа финанс продуктының рөхсәт ителүе турындагы 14.02.2024 ел №72 карары нигезендә гамәлдә булган «Даман» ислам финанс продуктын тәкъдим итте.
Татарстан Республикасы Гарантия фонды вәкилләре ТР мөселманнары Диния нәзарәте мөхтәсибләре Пленумында катнашучылар һәм Әлмәт районы халкы белән мәгълүмати-тарату материалы белән берничә сөйләшү һәм консультация үткәрделәр, кече һәм урта эшмәкәрлек субъектларына аларның йөкләмәләре буенча поручительлек бирү шартлары турында сөйләделәр.
Исегезгә төшерәбез, Татарстан Республикасы Гарантия фондының «Даман» продукты буенча поручительлегенең максималь суммасы 50 млн сум тәшкил итә, поручительлек күләме – йөкләмә суммасының 50% кадәр.
Татарстан эшмәкәрләре Татарстан Республикасы Гарантия фонды сайтында, +7(843)293-16-94, +7(903)061-40-18 телефоннары аша, шулай ук Казан шәһәре, Мәскәү ур., 55 адресы буенча фондка мөрәҗәгать итеп гариза бирә, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак мәгълүмат ала ала.
Шуны билгеләп үтик, Татарстан Республикасында илкүләм эшмәкәрләргә ярдәм итү Татарстан Республикасы Икътисад министрлыгы карамагындагы «Минем бизнес» үзәге тарафыннан Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында гамәлгә ашырыла.
