2024 елның 17 апрелендә Казанның «Cheeseria» рестораны территориясендә «Газпромбанк» АҖ оештырган «Кече һәм урта бизнесны үстерү һәм ярдәм итү өчен заманча карарлар» темасына бизнес – иртәнге аш узды.
Бизнес – иртәнге аш кысаларында Татарстанның кече һәм урта эшкуарлык субъектларына актуаль ярдәм чаралары, кече һәм урта бизнес өчен цифрлы продуктлар һәм Мәскәү биржасында акчаларны кыска вакытлы урнаштыру мәсьәләләре турында фикер алыштылар.
Үз чыгышында Татарстан Республикасы Гарантия фондының рисклар белән идарә итү бүлеге җитәкчесе Гөлнара Сафиуллина бизнес турында сөйләде – республика җәмәгатьчелегенә ислам финанславы кысаларында Россия ислам университеты белән берлектә эшләнгән «Даман» гарантия продукты, микро, кече һәм урта предприятиеләргә караган, хезмәткәрләре контракт буенча хәрби хезмәткә җибәрелгән МСП субъектлары өчен «СВОга ярдәм» яңа гарантия продукты турында эшмәкәрләрне ташламалы программалар, кредитлау, кредитлар, банк гарантияләре һәм лизинг килешүләре буенча Фонд поручительлеген бирү шартлары, шулай ук Татарстан Республикасы Гарантия фонды базасында эшләүче Бердәм кредитлау үзәге хезмәтләре белән таныштырды.
Исегезгә төшерәбез, Татарстан Республикасының Гарантия фонды финанс оешмасы бәяләве буенча тотрыклы финанс хәленә ия булган, ләкин җитәрлек залог белән тәэмин ителмәгән эшмәкәрләргә заем (кредит, заем, лизинг, банк гарантиясе) рәсмиләштергәндә поручитель була.
Татарстан эшмәкәрләре Татарстан Республикасы Гарантия фонды сайтында, +7(843)293-16-94, +7(903)061-40-18 телефоннары аша, шулай ук Казан шәһәре, Мәскәү ур., 55 адресы буенча фондка мөрәҗәгать итеп гариза бирә, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак мәгълүмат ала ала.
Шуны билгеләп үтәргә кирәк, Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасында илкүләм эшмәкәрләргә ярдәм итү Татарстан Республикасы Икътисад министрлыгы карамагындагы «Минем бизнес» үзәге тарафыннан гамәлгә ашырыла.
