2024 елның 19 мартында Яр Чаллы шәһәрендә ИТ –парк территориясендә Эшмәкәрләр өчен «Ислам финанслары: бизнес өчен мөмкинлекләр» форумы узды. Бизнес-форумда Татарстан Республикасы Яр Чаллы шәһәренең Сәүдә-сәнәгать палатасы, Чаллы шәһәренең «Җәмигъ» җәмигъ мәчете төзелешендә финанс ярдәме фонды, Татарстан Республикасы Гарантия фонды, Татарстан Республикасы Экспортка ярдәм итү үзәге вәкилләре һәм кредит оешмалары вәкилләре катнашты.
Форум барышында шәригать нормалары нигезендә эшкуарлык эшчәнлегенең төп чикләүләре һәм мөмкинлекләре, ислам банкингы продуктлары, шулай ук кече һәм урта эшкуарлык субъектларына, шул исәптән Татарстанның экспортка юнәлдерелгән эшкуарларына актуаль федераль һәм республика чаралары турында фикер алыштылар.
Татарстан Республикасы Гарантия фондын кредитлауның бердәм үзәге башлыгы Светлана Боброва эшмәкәрләрне Россия ислам университеты белән берлектә эшләнгән яңа, ислам финанславы кысаларында ясалган «Даман» гарантияле продукты белән таныштырды, бизнес-берләшмәгә кече һәм урта эшмәкәрлек субъектлары өчен ташламалы кредитлау программалары, заем финанслауны рәсмиләштергәндә Фондның поручительлеге бирү шартлары, шулай ук Татарстан Республикасы Гарантия фонды базасында эшли торган Бердәм кредитлау үзәге хезмәтләре турында сөйләде.
Форум ахырында спикерлар залда булган эшмәкәрләрнең сорауларына җавап бирделәр.
Исегезгә төшерәбез, Татарстан эшмәкәрләре Татарстан Республикасы Гарантия фонды сайтында, +7(843)293-16-94, +7(903)061-40-18 телефоннары буенча, шулай ук Казан шәһәре, Мәскәү ур., 55 адресы буенча фондка мөрәҗәгать итеп гариза бирә, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак мәгълүмат ала ала.
Шуны билгеләп үтәргә кирәк, Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасында илкүләм эшмәкәрләргә ярдәм итү Татарстан Республикасы Икътисад министрлыгы карамагындагы «Минем бизнес» үзәге тарафыннан гамәлгә ашырыла.
