2024 елның 25-26 февралендә Мәскәү өлкәсендә «ПСБ Патриот» кунакханәсе территориясендә «Минем бизнес» эшмәкәрлеккә ярдәм итү инфраструктурасының IV Бөтенроссия форумы узды. Бер мәйданчыкта федераль һәм региональ хакимият органнары, үсеш институтлары һәм коммерция банклары вәкилләре җыелды.
Форум кысаларында «Кече бизнес һәм микробизнеска ярдәм итүнең финанс инструментлары» темасына панель дискуссиясе узды, анда Россия Федерациясе Икътисади үсеш министрлыгы, Мәскәүнең Кече бизнеска кредит бирүгә ярдәм итү фонды, төбәк гарантия һәм микрофинанс оешмалары вәкилләре катнашты.
Сессиядә катнашучылар кече һәм урта эшмәкәрлек субъектларына һәм үзмәшгуль гражданнарга финанс ярдәме күрсәтү инструментлары, бизнеска ярдәм итүнең төбәк системасында дәүләт микрофинанс оешмаларының эшчәнлеге, шулай ук илкүләм гарантия системасында төбәк гарантия оешмаларын үстерү перспективалары турында фикер алыштылар.
Үз чыгышында Татарстан Республикасы Гарантия фонды директоры Рөстәм Мөхәммәдшин бизнес җәмәгатьчелегенә ташламалы федераль программалар нәтиҗәләре, тулаем алганда Татарстан Республикасында 2023 елда илкүләм гарантия системасын гамәлгә ашыру нәтиҗәләре, Татарстан Республикасы Гарантия фонды базасында эшләүче бердәм кредитлау үзәге хезмәтләре, шулай ук 2024 елда Фонд эшчәнлегенең яңа юнәлешләре турында сөйләде.
Исегезгә төшерәбез, Татарстан Республикасында илебез эшмәкәрләренә ярдәм чаралары Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасы Икътисад министрлыгына караган «Минем бизнес» үзәге тарафыннан гамәлгә ашырыла.
