Чистай муниципаль районы эшмәкәрләре республиканың кече һәм урта эшмәкәрлек субъектларына ярдәм итүнең актуаль чаралары, шул исәптән үз продукциясен экспортка юнәлтелгән, шулай ук эшмәкәрлек эшчәнлеген гамәлгә ашырырга планлаштыручы үз-үзенә эшләүче гражданнар һәм физик затлар белән таныштылар. Бизнес-очрашу 2023 елның 19 сентябрендә Татарстан Республикасы Чистай муниципаль районы башлыгы Дмитрий Иванов, Татарстан Республикасы Гарантия фонды, Татарстан Республикасы Экспортка ярдәм үзәге һәм Татарстан Республикасы Эшмәкәрлеккә ярдәм фонды вәкилләре катнашында “Кече һәм урта эшмәкәрлек һәм шәхси эшмәкәрлек инициативасына ярдәм” илкүләм проекты кысаларында узды.
Кече һәм урта эшмәкәрлек субъектлары өчен ташламалы кредитлау программалары, Татарстан Республикасы Гарантия фондының кредитлар, банк гарантияләре һәм лизинг шартнамәләре буенча йөкләмәләрен бирү шартлары, шулай ук Татарстан Республикасы Гарантия фондының Бердәм кредитлау үзәге эше һәм хезмәтләре турында эшмәкәрләргә Татарстан Республикасы Гарантия фонды Бердәм кредитлау үзәгенең өлкән икътисадчысы Альбина Матросова сөйләде.
Татарстан Республикасы Гарантия фонды вәкиле, башка спикерлар белән беррәттән, залда булган эшмәкәрләрнең сорауларына җавап бирде.
Исегезгә төшерәбез, Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасында илкүләм эшмәкәрләргә ярдәм итү Татарстан Республикасы Икътисад министрлыгына караган «Минем бизнес» үзәге тарафыннан гамәлгә ашырыла.
