2024 елның 12 мартында Татарстан Республикасы Сәүдә-сәнәгать палатасында «Новикомбанк» АКБ АҖ белән берлектә Татарстан Республикасы Гарантия фонды тарафыннан оештырылган «Финанслауны җәлеп итү өчен яңа инструментлар» темасына бизнес-иртәнге аш узды.
Бизнес-иртәнге аш кысаларында республикада кече һәм урта эшмәкәрлек субъектлары өчен актуаль федераль һәм республика чаралары, ташламалы программалар һәм финанслауны җәлеп итү өчен нәтиҗәле инструментлар турында фикер алыштылар.
Үз чыгышында Татарстан Республикасы Гарантия фондының икътисад һәм финанслар буенча директор урынбасары Рәсим Усманов Россия ислам университеты белән берлектә эшләнгән яңа «Даман» гарантия продуктын эшләтеп җибәрүгә аерым игътибар бирде, бизнес-берләшмәгә кече һәм урта эшмәкәрлек субъектлары өчен булган ташламалы кредитлау программалары, эшмәкәрләргә кредитлар, банк гарантияләре һәм лизинг шартнамәләре буенча поручительлек бирү шартлары, шулай ук Татарстан Республикасы Гарантия фонды базасында эшләп килгән Бердәм кредитлау үзәге хезмәтләре турында сөйләде.
Чыгышлар тәмамланганнан соң спикерлар эшмәкәрләр белән очрашуны В2В форматында дәвам иттеләр.
Исегезгә төшерәбез, Татарстан Республикасының Гарантия фонды финанс оешмасы бәяләве буенча тотрыклы финанс хәленә ия булган, ләкин җитәрлек залог белән тәэмин ителмәгән эшмәкәрләргә заем (кредит, заем, лизинг, банк гарантиясе) рәсмиләштергәндә поручитель була.
Татарстан эшмәкәрләре Татарстан Республикасы Гарантия фонды сайтында, +7(843)293-16-94, +7(903)061-40-18 телефоннары аша, шулай ук Казан шәһәре, Мәскәү ур., 55 адресы буенча фондка мөрәҗәгать итеп гариза бирә, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак мәгълүмат ала ала.
Шуны билгеләп үтәргә кирәк, Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасында илкүләм эшмәкәрләргә ярдәм итү Татарстан Республикасы Икътисад министрлыгы карамагындагы «Минем бизнес» үзәге тарафыннан гамәлгә ашырыла.
