Татарстан Республикасы Икътисад министрлыгы карамагындагы Татарстан Республикасы Гарантия фонды 2022 елда кече һәм урта бизнеска 3,7 млрд сумлык 668 поручительлек биргән. 2021 ел белән чагыштырганда бирелгән поручительлекләр саны 65% ка, ә бирелгән поручительлекләр суммасы 102% ка арткан.
Татарстан Республикасы Гарантия фонды поручительлеге астында җәлеп ителгән кредитларның гомуми күләме 9,9 млрд сум тәшкил итте.
Исегезгә төшерәбез, Фонд эшчәнлеге предметы булып кече һәм урта эшмәкәрлек субъектларының һәм Фонд партнерлары бәяләмәсе буенча тотрыклы финанс хәле булган, әмма кредит алу өчен җитәрлек залог белән тәэмин ителмәгән үз-үзләренә мәшгуль гражданнарның йөкләмәләре буенча поручительлекләр бирү тора.
Санкцияләр басымы шартларында кредитны тәэмин итү өчен үз акчалары булмаган эшмәкәрләргә ярдәм итү өчен эшләнгән «Ярдәм – 2022» ташламалы продукты кысаларында Татарстан Республикасы Икътисад министрлыгы карамагындагы Татарстан Республикасы Гарантия фонды 2,1 млрд сумга 369 компания өчен поручитель сыйфатында чыгыш ясады. «Ярдәм – 2022» продукты буенча поручительлекнең максималь суммасы 70 млн сум тәшкил итте. Шул ук вакытта бүләкләү ставкасы минималь 0,5 процентка кадәр киметелә, шулай ук бүләкләүне беренче 6 айга кичектереп тору мөмкинлеге каралган.
Бүгенге көндә Татарстан Республикасы Гарантия фонды 45 банк, 5 лизинг компаниясе һәм 4 үсеш институты белән хезмәттәшлек турында килешүләр төзеде.
Гариза бирергә, үз бизнесыңны гарантия ярдәме алу шартларына туры килү-килмәвен тикшерергә, ташламалы программалар турында тулырак мәгълүматны Татарстан Республикасы Гарантия фонды сайтында, шулай ук +7(843)293-16-94, +7(903)061-40-18 телефоннары аша алу мөмкин.
