2023 елның 26 октябрендә Чүпрәле муниципаль районында «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасы Чүпрәле муниципаль районы башлыгы Марат Гафаров, Татарстан Республикасы Гарантия фонды вәкилләре, Россия Федерациясе Федераль салым хезмәтенең Татарстан Республикасы буенча 8 нче районара инспекциясе, Татарстан Республикасы Эшмәкәрлеккә ярдәм фонды һәм экспортлауга ярдәм итү үзәге катнашында эшмәкәрлек берлеге белән очрашу булды. Эшлекле очрашу барышында республиканың кече һәм урта эшмәкәрлек субъектларына ярдәм итүнең актуаль чаралары, шул исәптән Татарстан эшмәкәрләренең тышкы базарларга чыгуы һәм 2023 елдан салым законнарындагы үзгәрешләр турында фикер алыштылар.
Татарстан Республикасы Гарантия фондының Бердәм кредитлау үзәге өлкән икътисадчысы Альбина Матросова район эшмәкәрләренә кече һәм урта эшмәкәрлек субъектлары өчен булган ташламалы кредитлау программалары, Татарстан Республикасы Гарантия фондының кече һәм урта эшмәкәрлек субъектларына кредитлар, банк гарантияләре һәм лизинг шартнамәләре буенча поручительлек бирү шартлары, шулай ук Татарстан Республикасы Гарантия Фондына кредит бирүнең бердәм үзәге эшчәнлеге һәм хезмәт күрсәтүләре турында сөйләде .
Татарстан Республикасы Гарантия фонды вәкиле, башка спикерлар белән беррәттән, залда булган эшмәкәрләрнең сорауларына җавап бирде.
Исегезгә төшерәбез, Татарстан Республикасында үзебезнең эшмәкәрләргә ярдәм «Минем бизнес» үзәге тарафыннан Татарстан Республикасы Икътисад министрлыгы карамагындагы «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында гамәлгә ашырыла, ул Россия Федерациясе Президенты Владимир Путин тарафыннан инициацияләнде.
