Татарстан Республикасы Икътисад министрлыгына ведомство буйсынуындагы Татарстан Республикасы Гарантия фонды Алабуга муниципаль районының эшмәкәрлек җәмәгатьчелеге белән очрашты.
2023 елның 30 маенда Алабуга муниципаль районында Татарстан Республикасы Алабуга муниципаль районы башлыгы Рөстәм Нуриев, Татарстан Республикасы Гарантия фонды һәм Алабуга шәһәренең Халыкны эш белән тәэмин итү үзәге вәкилләре катнашында Татарстан Республикасының кече һәм урта бизнесына ярдәм итүнең актуаль чаралары турында фикер алышу мәсьәләсе буенча эшмәкәрләр белән очрашу булды.
Эшлекле очрашу кысаларында узган елның төп нәтиҗәләре һәм Алабуга муниципаль районының социаль-икътисади үсеше күрсәткечләре, район администрациясе һәм эшмәкәрләре арасында бердәм элемтә каналын булдыру һәм Татарстан Республикасының кече һәм урта эшмәкәрлегенә ярдәм итүнең актуаль чаралары турында фикер алыштылар.
