Татарстан Республикасы Икътисад министрлыгы карамагындагы Татарстан Республикасы Гарантия фонды Татарстан Республикасы Яшел Үзән муниципаль районы эшмәкәрлек берләшмәсе белән очрашты.
2023 елның 27 июлендә Яшел Үзән муниципаль районында «М–7» Индустриаль паркының сәнәгать мәйданчыгы территориясендә Яшел Үзән муниципаль районы администрациясе, Татарстан Республикасы Гарантия фонды, Татарстан Республикасы сәнәгатен үстерү фонды һәм Татарстан Республикасы Экспортка ярдәм итү үзәге вәкилләре катнашында Татарстан Республикасы сәнәгать парклары резидентларына дәүләт ярдәменең актуаль чараларын тикшерү мәсьәләсе буенча эшмәкәрләр белән очрашу узды.
Эшлекле очрашу барышында сәнәгать парклары резидентларының инвестицион проектларын финанслау һәм аларга ярдәм итү мәсьәләләре, республика бизнесына ташламалы кредит бирүнең дәүләт чаралары, шулай ук Татарстан Республикасы кече һәм урта эшмәкәрлек субъектларына актуаль ярдәм чаралары турында фикер алыштылар.
Татарстан Республикасы Гарантия фондын кредитлауның бердәм үзәге башлыгы Илнур Мөтыков эшмәкәрләргә кече һәм урта эшмәкәрлек субъектлары өчен ташламалы кредитлауның гамәлдәге программалары, Татарстан Республикасы Гарантия фондының кредитлар, банк гарантияләре һәм лизинг шартнамәләре буенча поручительлеге бирү шартлары турында, шулай ук Татарстан Республикасы Гарантия фондын кредитлауның Бердәм үзәге эше һәм хезмәтләре турында сөйләде.
Башка спикерлар белән беррәттән, Татарстан Республикасы Гарантия фонды вәкиле залда булган эшмәкәрләрнең сорауларына җавап бирде.
