2024 елның 29 февралендә Саба муниципаль районында эшмәкәрләр берләшмәсе белән очрашу узды, анда кече һәм урта эшмәкәрлек субъектларына, шул исәптән экспортка юнәлдерелгән эшмәкәрләргә һәм кече хуҗалык итү формаларына, ЛПХдан кооперативларга кадәр актуаль федераль һәм республика чаралары турында фикер алыштылар.
«Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проектын гамәлгә ашыру кысаларында оештырылган очрашу спикерлары сыйфатында Татарстан Республикасы Гарантия фонды, Татарстан Республикасы Эшмәкәрлеккә ярдәм фонды һәм Татарстан Республикасында авыл хуҗалыгы кооперациясен үстерү буенча компетенцияләр үзәге вәкилләре чыгыш ясады.
Татарстан Республикасы Гарантия фондының Бердәм кредитлау үзәге башлыгы Светлана Боброва Саба районы эшмәкәрләренә ташламалы кредит алу программалары, заем финанславын рәсмиләштергәндә Татарстан Республикасы Гарантия фондының поручительлеге бирелү шартлары, шулай ук Татарстан Республикасы Гарантия фонды базасында эшләүче бердәм кредитлау үзәге хезмәтләре турында сөйләде.
Исегезгә төшерәбез, Татарстан эшмәкәрләре Татарстан Республикасы Гарантия фонды сайтында, +7(843)293-16-94, +7(903)061-40-18 телефоннары буенча, шулай ук Казан шәһәре, Мәскәү ур., 55 адресы буенча фондка мөрәҗәгать итеп гариза бирә, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак мәгълүмат ала ала.
Искәртеп узабыз, Татарстан Республикасында илебез эшмәкәрләренә ярдәм итү Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасы Икътисад министрлыгына караган «Минем бизнес» үзәге тарафыннан гамәлгә ашырыла.
