Татарстан Республикасы Икътисад министрлыгына караган Татарстан Республикасы Гарантия фонды партнерлык финанславы программасы кысаларында «Даман» ташламалы гарантия продуктын эшләтеп җибәрде. Партнерлык финанславы проектларын гамәлгә ашыру экспериментында катнашучы пилот регионнарның региональ гарантияле оешмалары арасында Татарстан Республикасы Гарантия фонды партнерлык финанславы буенча эшчәнлек алып бару өчен кирәкле шартлар тудыру максатларында махсус җайга салу буенча экспериментта катнашучылар реестрына беренче булып кертелгән.
Татарстан Республикасы Гарантия фонды Россия ислам университеты белән берлектә ислам хокукы кануннарына туры килә торган һәм Татарстан Республикасы Мөселманнары диния идарәсе Голәмәләр шурасының яңа финанс продуктының поручительлек бирү буенча рөхсәт ителүе турындагы 14.02.2024 елның 72 номерлы рәсми карары нигезендә «ДАМАН» гарантия продуктын эшләде.
«Даман» партнерлык финанслау программасы кысаларында Татарстан Республикасы Гарантия фондының продукт буенча поручительлегенең максималь суммасы 50 млн сум, поручительлек күләме кредит суммасының 50% ка кадәр тәшкил итә.
«Даман» продукты ярдәмендә ислам хокукы кануннарында торучы Татарстан Республикасы эшмәкәрләре шәригать нормалары нигезендә Татарстан Республикасы Гарантия фонды ярдәменнән файдалана алачак.
Исегезгә төшерәбез, Татарстан Республикасының Гарантия фонды финанс оешмасы бәяләве буенча тотрыклы финанс хәленә ия булган, ләкин җитәрлек залог белән тәэмин ителмәгән эшмәкәрләргә заем (кредит, заем, лизинг, банк гарантиясе) рәсмиләштергәндә поручитель була.
Татарстан эшмәкәрләре Татарстан Республикасы Гарантия фонды сайтында, +7(843)293-16-94, +7(903)061-40-18 телефоннары аша, шулай ук Казан шәһәре, Мәскәү ур., 55 адресы буенча фондка мөрәҗәгать итеп гариза бирә, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак мәгълүмат ала ала.
Шуны билгеләп үтәргә кирәк, Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасында илкүләм эшмәкәрләргә ярдәм итү Татарстан Республикасы Икътисад министрлыгы карамагындагы «Минем бизнес» үзәге тарафыннан гамәлгә ашырыла.
Белешмә буларак: 2023 елның 04 августында «Россия Федерациясенең аерым субъектларында партнерлык финанславы буенча эшчәнлек алып бару өчен һәм Россия Федерациясенең аерым закон актларына үзгәрешләр кертү турында кирәкле шартлар тудыру максатларында махсус җайга салу экспериментын билгеләү турында» 417-ФЗ номерлы федераль закон үз көченә керде, аның нигезендә Татарстан Республикасы партнерлык финанславы проектларын гамәлгә ашыру буенча Россия Федерациясенең пилот регионнары исемлегенә кертелде. Әлеге канун кысаларында өченче затларга поручительлек бирү каралган (ФЗның 2 маддәснең 1 пунктының 5 пунктына ярашлы рәвештә).
Сурәт чыганагы: freepik.com
