МСП илкүләм проекты Татарстан бизнесына маркетплейсларда товар карточкаларын бушлай урнаштырырга ярдәм итәчәк

«Кече һәм урта эшмәкәрлек» илкүләм проектын гамәлгә ашыру кысаларында «Минем бизнес» үзәге үзмәшгульләрне һәм эшмәкәрләрне Ozon, ЯндексМаркет, Wildberries, KazanExpress һәм AliExpress электрон сәүдә мәйданчыкларына чыгару буенча хезмәт күрсәтә башлый.

Хезмәт бушлай һәм продукцияне алга таба уңышлы сату өчен мәйданчык таләпләрен исәпкә алып, сайланган маркетплейста урнаштыруны үз эченә ала.

Ярдәм түбәндәге этаплардан тора:

• маркетплейска чыгу мәсьәләсе буенча эшмәкәргә яки үзмәшгульгә консультация бирү;
• продукцияне анализлау һәм иң яхшы логистик схеманы билгеләү;
• сайланган маркетплейста шәхси кабинет булдыру;
• 10 товар өчен профессиональ фотоконтент булдыру - һәр товар 5-әр фотография;
• товар турында бирелгән мәгълүмат нигезендә текст материаллары әзерләү;
• сайланган маркетплейста 10га кадәр товар карточкасы булдыру - контентны йөкләү һәм модерация үтү;
• складны көйләү хезмәте. Сайланган логистик схемага бәйле рәвештә һәм йөкләүне булдыру.

Ярдәм алу өчен МСП.РФ цифрлы платформасында гариза бирергә кирәк.

Консультацияне «Минем бизнес» үзәгенең кайнар линия телефоны буенча алырга мөмкин: +7 (843) 524-90-90.

Чара «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында гамәлгә ашырыла.