Татарстан эшмәкәрләрен Россиянең яңа төбәкләре өчен хәйрия юлы белән эшлекле әдәбият җыюда катнашырга чакыралар

«Кече һәм урта эшмәкәрлек» илкүләм проекты ярдәмендә оештырылган «Минем бизнес» үзәкләрендә Россиянең яңа төбәкләре өчен хәйрия юлы белән эшлекле әдәбият җыю башланды, ул РФ Икътисади үсеш министрлыгының #МойбизнесПомогает бөтенроссия инициативасы кысаларында үткәрелә.

Акциянең федераль дәрәҗәдәге координаторы булып «Минем бизнес – минем мөмкинлекләр» Илкүләм эшмәкәрлекне үстерү агентлыгы тора. Логистик функцияләр йөкләнгән төп төбәк буларак Ростов өлкәсе билгеләнгән. Бизнес-тематика буенча китаплар Россиянең яңа төбәкләрендә барлыкка килә торган «Минем бизнес» үзәкләренең коворкингларына тапшырылачак.

Эшмәкәрләрне һәм Татарстан халкын 2023 елның 30 ноябренә кадәр дәвам итәчәк #МойбизнесПомогает эшлекле әдәбият хәйрия җыюында катнашырга чакыралар. Болар бизнес-планлаштыру, маркетинг, сату, ораторлык осталыгы, инвестицияләр, шулай ук уңышлы эшмәкәрләрнең автобиографияләре буенча басмалар булырга мөмкин.

Татарстан эшмәкәрләреннән һәм халкыннан эшлекле әдәбият җыю түбәндәге адреслар буенча гамәлгә ашырыла:

• ТР, Казан шәһәре, Мәскәү ур., 55 йорт (Татарстан Республикасы Гарантия фонды);
• ТР, Казан шәһәре, Петербург ур., 28 йорт (Татарстан Республикасы Эшмәкәрлеккә ярдәм фондының «Минем бизнес» үзәге)..

Килеп туган баплык сораулар буенча Татарстан эшмәкәрләре һәм халкы әлеге телефоннар буенча мөрәҗәгать итә ала: +7(843)293-16-94, +7(903)061-40-18.

Фото чыганагы: freepik.com