Татарстан эшмәкәрләре «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында, Татарстан Республикасы Гарантия фонды сайтында экспресс-анализ узып, гарантияле ярдәм алу мөмкинлегенә үз бизнесларын мөстәкыйль тикшерә ала.
Тикшерү өчен Татарстан эшмәкәрләренә онлайн режимда үз компаниясенең ИНН ын экспресс-анализ автоматлаштырылган системасына кертү дә җитә. Система компаниянең Татарстан Республикасы Гарантия фондына ярдәм алу шартларына туры килүен тикшерәчәк. Бизнес туры килергә тиешле кирәкле критерийлар:
Татарстан Республикасы Гарантия фонды сайтында уңышлы тикшерүдән соң, займ төрен һәм кредит суммасын сайлап, займ финанславын җәлеп итү өчен гариза тутырырга мөмкин.
«Экспресс-сервис поручительлек бирү мөмкинлеге турында белергә генә түгел, алдан гариза бирергә һәм аны Татарстан Республикасы Гарантия фондын кредитлауның Бердәм үзәгенә җибәрергә дә мөмкинлек бирә. Безнең белгечләр Банк сайларга һәм иң отышлы кредит продуктын сайларга ярдәм итәчәк, ә залог белән тәэмин ителмәгәндә Фондның поручительлеген җәлеп итү шартлары турында сөйлиячәкләр», - дип билгеләп үтте Татарстан Республикасы Гарантия фонды директоры Рөстәм Мөхәммәдшин.
Исегезгә төшерәбез, Татарстан Республикасы Икътисад министрлыгы карамагындагы Татарстан Республикасы Гарантия фонды банклар бәяләмәсе буенча тотрыклы финанс хәленә ия, әмма кредит алу өчен җитәрлек залог тәэмин ителеше булмаган эшмәкәрләрнең кредит йөкләмәләре буенча поручительлек бирә.
Авыл җирлегендә эшчәнлек алып баручы Татарстан эшмәкәрләре, экспортлаучылар, индустриаль һәм сәнәгать парклары резидентлары, интернет–мәйданчыкларда сәүдә алып баручы эшмәкәрләр өчен Татарстан Республикасы Гарантия фонды ташламалы гарантия продуктлары сата.
Бүгенге көндә, гарантияле ярдәм ярдәмендә, Татарстан бизнесы рекордлы 9,84 млрд сумлык займ финанслауны җәлеп итә алды. Татарстанның 647 эшмәкәре Татарстан Республикасы Гарантия фондының 3,97 млрд сумлык ташламалы ярдәмен алды.
Ташламалы программалар һәм поручительлекләр бирү өчен гамәлдәге шартлар буенча тулы мәгълүматны Татарстан Республикасы Гарантия фонды сайтында, шулай ук түбәндәге телефоннар аша белергә мөмкин: +7(843)293-16-94, +7(9030)61-40-18.
Искәртеп узабыз, Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасында илебез эшмәкәрләренә ярдәм итү Татарстан Республикасы Икътисад министрлыгына караган «Минем бизнес» үзәге тарафыннан гамәлгә ашырыла.
