«Кече һәм урта эшмәкәрлек» илкүләм проектын гамәлгә ашыру кысаларында 2024 елның 22 августында Әлки районының Базарлы Матак авылында Әлки муниципаль районы башлыгы Александр Никошин, Татарстан Республикасы Гарантия фонды, Татарстан Республикасы эшмәкәрлекне яклау фонды, Татарстан Республикасы экспортны яклау үзәге һәм «Бердәм Россия» партиясе бүлекчәсе вәкилләре катнашында эшмәкәрләр белән очрашу булды.
Эшлекле очрашу барышында Татарстан Республикасы Дәүләт Советына депутатлар сайлауга бәйле мәсьәләләр, шулай ук республиканың кече һәм урта эшмәкәрлек субъектларына, шул исәптән Татарстанның экспортка юнәлтелгән эшмәкәрләренә ярдәм итүнең актуаль чаралары турында фикер алыштылар.
Татарстан эшмәкәрләренең бизнесны үстерү өчен гарантия ярдәменнән нинди шартларда файдалана алулары һәм Татарстан Республикасы Гарантия фондының гамәлдәге ташламалы продуктлары турында Әлки районы эшмәкәрләренә Татарстан Республикасы Гарантия фондының Бердәм кредитлау үзәге башлыгы вазифаларын башкаручы Альбина Матросова сөйләде.
Әйтергә кирәк, Татарстан Республикасы Гарантия фонды ярдәме белән Әлки районы эшмәкәрләре 2024 елда 22.08.2024 торышына хуҗалыкны үстерүгә 16 млн сум заем акчасы җәлеп итә алганнар, бу районда ярдәм чараларының кирәклеген күрсәтә.
Исегезгә төшерәбез, Татарстан Республикасы Икътисад министрлыгы карамагындагы Татарстан Республикасы Гарантия фонды финанс оешмасы бәяләмәсе буенча тотрыклы финанс хәленә ия, әмма залог белән җитәрлек тәэмин ителешкә ия булмаган эшмәкәрләргә заем финанславын (кредит, заем, лизинг, банк гарантиясе) рәсмиләштергәндә поручительлек бирү рәвешендә гарантияле ярдәм күрсәтә.
Татарстан эшмәкәрләре Татарстан Республикасы Гарантия фонды сайтында, +7(843)293-16-94, +7(903)061-40-18 телефоннары аша, шулай ук Казан шәһәре, Мәскәү ур., 55 адресы буенча фондка мөрәҗәгать итеп гариза бирә, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак мәгълүмат ала ала.
Шуны билгеләп үтик, Татарстан Республикасында илкүләм эшмәкәрләргә ярдәм итү Татарстан Республикасы Икътисад министрлыгы карамагындагы «Минем бизнес» үзәге тарафыннан Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында гамәлгә ашырыла.
