2023 елның 28 апрелендә Татарстан Республикасы бизнесы вәкилләре өчен «Дәүләт сатып алулары: һәркем катнаша алырлык, гади, отышлы» республика форумы узачак. Чара «Кече һәм урта эшмәкәрлек» илкүләм проекты кысаларында гамәлгә ашырыла.
Форум дәүләт сатып алуларында һәм тендерларда катнашуның катлаулылыгы һәм бюрократлаштырылуы турында эшмәкәрләрнең фикерен үзгәртүгә юнәлтелгән.
Дәүләт сатып алулары өлкәсендә экспертлар дәүләт сатып алуларында катнашу нюанслары турында сөйләячәк, сатып алу эшчәнлегенә старт алу турында, отышлы сәүдә эзләнүләре, эшмәкәрләргә ярдәм итү төрләре һәм ташламалар эзләү турында, шулай ук сатып алуларда катнашучылар җибәрә торган киң таралган хаталар турында лекцияләр укыячак.
Экспертлар сату-алуларда җиңү һәм сатып алу эшчәнлегендә катнашучыларның хокукларын яклау өчен инструментлар бирәчәк. Форумда катнашучылар практик белгечләрдән тәкъдимнәр алачак, сорауларны тере диалог форматында бирә алачак.
Татарстан Республикасы бизнес вәкилләре өчен форумда катнашу бушлай.
Форум «МСП» Корпорациясе» АҖ, Татарстан Республикасы Икътисад министрлыгы, «Татарстан Республикасы эшмәкәрлекне яклау фондының «Минем бизнес» үзәге, Татарстан Республикасы Сәүдә-сәнәгать палатасы һәм башка партнерлар ярдәмендә узачак.
Форумда катнашу өчен бирелгән сылтама аша узып теркәлергә кирәк: https://promozakupki.ru/forum.
Форум «Штаб» территориясендә: Казан шәһәре, Татарстан урамы, 20 нче йорт адресы буенча үткәрелә. Сессияләр 9:00 сәгатьтә башлана.
