«Кече һәм урта эшмәкәрлек» илкүләм проекты Татарстан компанияләренең экспорт мөмкинлекләрен киңәйтә. Илкүләм проект кысаларында Экспортка ярдәм итү үзәге 2023 елда халыкара күргәзмәләрдә катнашу өчен гаризалар кабул итүне дәвам итә. Хәзер берьюлы 3 төрле юнәлештәге чарага гаризалар кабул ителә.
Мәсәлән, республика бизнесы Татарстанны 2023 елның 3-5 октябрендә Тәһран шәһәрендә "Expo-Russia Iran 2023" халыкара сәнәгать күргәзмәсендә тәкъдим итә ала.
2023 елның 1-3 ноябрендә Алма-Ата шәһәрендә AgroWorld Kazakhstan 2023 бәйгесендә катнашу өчен авыл хуҗалыгы товар җитештерүчеләреннән гаризалар кабул итү ачылды. Шулай ук, 2023 елның 20-24 ноябрендә Мәскәү шәһәрендә Мебель-2023 махсуслаштырылган халыкара күргәзмәсенә дә катнашырга мөмкин.
Коллектив стенд составында экспозициягә гаризалар кабул итүне һәм МСП илкүләм проекты кысаларында потенциаль һәм гамәлдәге экспортерларга башка төр ярдәм күрсәтүне ТР Икътисад министрлыгы карамагындагы Экспортка ярдәм итү үзәге алып бара.
Экспортка ярдәм итү үзәге стенд төзүдә, күргәзмә мәйданнарын һәм җиһазларын арендалауда, күргәзмә үрнәкләрен китереп бирүдә һәм экспортерның презентация материалларын чит телгә тәрҗемә итүдә ярдәм итәчәк, шулай ук теркәлү җыемнарын түләячәк.
«Кече һәм урта эшмәкәрлек» илкүләм проекты кысаларында Татарстан предприятиеләренә актив ярдәм күрсәтү төбәктә экспорт эшчәнлеген үстерүне стимуллаштыра, товарлар һәм хезмәтләр җитештерүчеләргә тышкы икътисади эшчәнлекне үзләштерергә һәм үз продукциясе белән дустанә илләр базарларына уңышлы чыгарга ярдәм итә.
Урыннар саны чикләнгән.
Экспортка юнәлдерелгән бизнес әлеге һәм башка ярдәм чараларына онлайн рәвештә МСП.РФ цифрлы платформасында гариза бирә ала.
Татарстанда эшләп килүче экспортерлар өчен ярдәм чаралары турында «Минем бизнес» үзәгендә «кайнар линия» телефоны буенча төгәл консультация алырга мөмкин: 8 (843) 524-90-90.
