Татарстанда республиканың муниципаль районнарында эшмәкәрлек эшчәнлеген алып бару шартлары турында бизнес һәм үзмәшгульләр арасында сораштыру башланды.
Сораштыруның инициаторы - Татарстан Икътисад министрлыгы ярдәмендә «Минем бизнес» үзәге.
Сораштыру ел ахырына кадәр дәвам итәчәк һәм республика районнарында бизнес алып барганда һәм ачканда эшмәкәрләр очрата торган төп мәсьәләләрне һәм проблемаларны ачыкларга мөмкинлек бирәчәк.
Сораштыру нәтиҗәләре «Кече һәм урта эшмәкәрлек» илкүләм проекты кысаларында гамәлгә ашырыла торган бизнеска ярдәм итү һәм үстерүнең яңа чаралары нигезенә салыначак.
Сораштыру аноним, шәхси мәгълүматларсыз. Алынган барлык мәгълүмат гомумиләштерелгән рәвештә генә кулланыла.
Сораштыруга сылтама: https://docs.google.com/forms/d/1Qf9RHZQPSIGlFUd4FEwZ-MEfhqnmUAg5OjqRpFvTTmE/
Исегезгә төшерәбез, Татарстанда бизнеска һәм үзмәшгульләргә дәүләт ярдәме «Кече һәм урта эшмәкәрлек» илкүләм проекты кысаларында гамәлгә ашырыла.
Сурәт чыганагы: freepik.com
