Татарстан Республикасында ел саен үткәрелә торган «Ел экспортчысы» төбәк конкурсы старт алды. Конкурс «Кече һәм урта эшмәкәрлек» милли проектын гамәлгә ашыру кысаларында Татарстан Республикасы Икътисад министрлыгы ярдәме белән Татарстан Республикасы Эшмәкәрлеккә ярдәм фонды тарафыннан үткәрелә.
Ел саен республика экспортчылары өчен конкурс Татарстан Республикасы эшмәкәрләренең тышкы икътисади эшчәнлеген үстерүгә ярдәм итү, эшмәкәрләргә илебез продукциясенең һәм хезмәтләренең иң яхшы үрнәкләрен тәкъдим итү мөмкинлеген тәэмин итү кысаларында үткәрелә.
Конкурста катнашу өчен 2022 елда экспорт эшчәнлеген гамәлгә ашырган Татарстан Республикасы территориясендә теркәлгән эшмәкәрләр чакырыла. Конкурсның җиңүчеләре һәм призерлары бүләкләү тантанасында кыйммәтле призлар һәм дипломнар белән бүләкләнәчәк, алар турында өстәмә хәбәр ителәчәк.
Конкурста катнашу өчен гаризалар 7 төп номинация буенча http://exportergoda-rt.ru сайтында кабул ителә:
• Сәнәгать өлкәсендә иң яхшы экспортчы;
• Хезмәт күрсәтү өлкәсендә иң яхшы экспортчы;
• АПК (агросәнәгать) өлкәсендә иң яхшы экспортчы;
• Югары технологияләр өлкәсендә иң яхшы экспортчы;
• Иң яхшы экспортчы хатын-кыз;
• Иң яшь экспортчы;
• Ел ачышы.
Конкурста Татарстан Республикасы эшмәкәрләре – компанияләре тотрыклы үсеш темпларын күрсәткән, шулай ук компанияләренең товарлары ил эчендә һәм чит илләрдә кулланучылар тарафыннан югары бәяләнгән кече һәм урта бизнес вәкилләре катнаша ала.
Конкурста катнашу өчен документлар 2023 елның 24 апреленә кадәр кабул ителә.
"Ел экспортчысы" конкурсында катнашу өчен ничек гариза бирергә икәнен телефон аша белеп була:
+7 (843) 222-90-60 (өст. 279) .
