Биектау муниципаль районында 2024 елның 19 сентябрендә эшмәкәрләр берләшмәсе белән чираттагы очрашу үткәрелде, очрашу барышында кече һәм урта эшмәкәрлек субъектларына, шул исәптән экспортка юнәлтелгәннәргә ярдәм итүнең актуаль чаралары, шулай ук «Минем бизнес» үзәгеннән ярдәм чаралары турында фикер алыштылар.
Район эшмәкәрләре ташламалы кредитлауның федераль программалары һәм Татарстан Республикасы Гарантия фондына заем финанслауны рәсмиләштергәндә залог белән җитәрлек тәэмин ителмәгән Татарстан эшмәкәрләренә һәм үзмәшгуль гражданнарына поручительлек рәвешендә гарантияле ярдәм күрсәтү шартлары белән таныштылар.
Татарстан Республикасы Гарантия фондының Бердәм кредитлау үзәге башлыгы Светлана Боброва шулай ук район эшмәкәрләрен кече һәм урта эшмәкәрлек субъектларына ярдәм итү өчен яңа гарантия продуктлары – «СВОга ярдәм», «Даман» һәм «Интеллектуаль актив» продуктлары белән таныштырды, алар ярдәмендә эшмәкәрләр компанияне үстерү өчен ташламалы шартларда гарантия ярдәменнән файдалана алалар.
Татарстан эшмәкәрләре Татарстан Республикасы Гарантия фонды сайтында һәм Телеграм-каналында, +7(843)293-16-94, +7(903)061-40-18 телефоннары аша, шулай ук Казан шәһәре, Мәскәү ур., 55 адресы буенча фондка мөрәҗәгать итеп гариза бирә, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак мәгълүмат ала алуын билгеләп үтик.
Исегезгә төшерәбез, Татарстан Республикасында эшмәкәрләргә ярдәм «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасы Икътисад министрлыгы карамагындагы «Минем бизнес» үзәге тарафыннан гамәлгә ашырыла.
