2023 ел ахырына кадәр инвестиция максатларына кредитлар урта һәм кече бизнеска еллык 2,5 һәм 4 процент белән биреләчәк. Льготалы ставкалар процент ставкасын субсидияләү («1764» программасы) һәм Россия Банкы һәм «Корпорация «МСП» акционерлык җәмгыяте белән берлектә гамәлгә ашырыла торган кредитлауны стимуллаштыру программасы буенча ташламалы фондлау программаларын берләштерү нәтиҗәсендә мөмкин булды.
Кече һәм урта эшмәкәрлек субъектлары өчен ташламалы программа лимиты узган ел белән чагыштырганда ике тапкыр арттырылды һәм 100 млрд сум тәшкил итәчәк. Шулай ук предприятиеләре ташламалы кредит ала алган тармаклар исемлеге киңәйтелгән.
Элегрәк программа өч тармакка: эшкәртү производствосына, транспортировка, саклауга һәм кунакханәләргә ярдәм итүгә юнәлдерелгән иде. Хәзер профессиональ, фәнни һәм техник эшчәнлек, шулай ук архитектура һәм инженер-техник сынаулар өлкәсендәге эшчәнлек өстәлә.
Быел кече һәм урта бизнеска кредит бирүдә акцентларның берсе инвестиция активлыгын стимуллаштыруга, импортны алмаштыруны тәэмин итү һәм мәшгульлекне арттыру өчен производстволар булдыруга һәм модернизацияләүгә ясалды.
