Татарстан Республикасы Премьер-министры урынбасары - Татарстан Республикасы икътисад министры Мидхәт Шаһиәхмәтов җитәкчелегендәге Татарстан Республикасы Икътисад министрлыгы делегациясе, Татарстан Республикасы икътисад министрының беренче урынбасары - Эшмәкәрлекне үстерү департаменты директоры Наталья Кондратова, Татарстан Республикасы Гарантия фонды, Татарстан Республикасы эшмәкәрлекне яклау фонды һәм «Химград» Технополисы вәкилләре «Кече һәм урта эшмәкәрлек» илкүләм проекты кысаларында «Ледус» ҖЧҖ энергия саклый торган яктылык-техника җиһазлары җитештерүендә булды.
«Ледус» стартап-компаниясе 2021 елдан Казанда «Химград» Технополисында арендалаган мәйданчыкларында эшчәнлек алып бара, яктылык техникасы җиһазлары җитештерү, шулай ук аны автоматлаштыру һәм идарә итү белән шөгыльләнә. Яшь «ПК «Ледус» компаниясенә нигез салучы Нияз Мөхәммәтшин җитәкчелегендә программалаштырылган чиплы платалы уникаль продукт эшләнде, ул яктырткычка тоташтырыла һәм лампа егәрлеген башка яктылык чыганакларына карап көйләп тора. Технология яктылыкны тәэмин итү өчен электр энергиясен кулланганда 30% ка якын экономияләргә мөмкинлек бирә.
Моннан тыш, күпчелек вакыт лампалар экономия режимында эшли, шул сәбәпле аларның хезмәт итү вакыты арта. Шулай итеп, тулы караңгылыкта лампа тулы куәтенә эшли, ләкин кояш яктысы булганда ул кирәкле урында яктылык кирәк дәрәҗәдә эшли башлый.
2023 елда Татарстанның «Ледус» стартап-компаниясе кече бизнесны үстерү буенча илкүләм проект кысаларында ярдәмнән файдаланды, ә атап әйткәндә, Татарстан Республикасы Икътисад министрлыгы карамагындагы Татарстан Республикасы Гарантия фондының 2,0 млн. сум күләмендә поручительлегеннән файдаланды, бу исә компаниягә автоматлаштырылган идарә функцияләре белән яктырту җиһазларын әзерләүгә Дәүләт оборона заказын үтәү өчен 4,1 млн. сумга «Банк гарантиясен» җәлеп итәргә мөмкинлек бирде.
«Илебез Президенты В.В. Путин инициативасы белән «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проект үз эшен башлап җибәргән эшмәкәрләргә ярдәм итүгә һәм шул исәптән импортны алыштыра торган компанияләр төзүне стимуллаштыруга юнәлтелгән. Продукт - бүгенге көндә энергия ресурсларын экономияләргә мөмкинлек бирә торган һәм дөньяда аналоглары булмаган продукт. Бу үзебезнең технологик суверенитетка адым булып тора торган үзебезнең эшләнмәләр. Кече һәм урта бизнес өчен шартлар тудыруга федераль дәрәҗәдә дә, республика дәрәҗәсендә дә аерым игътибар бирелә», - дип билгеләп үтте Татарстан Республикасы Премьер-министры урынбасары - Татарстан Республикасы икътисад министры Мидхәт Шаһиәхмәтов.
«ПК Ледус «ҖЧҖ компаниясе планнарында - яктыртуны автоматлаштыру һәм идарә итү платаларының җитештерү циклы өчен профильле җиһазлар сатып алу, продукция ассортиментын арттыру һәм җитештерүне киңәйтү.
Искәртеп узабыз, Татарстан Республикасында илкүләм эшкуарларга ярдәм итү Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасы Икътисад министрлыгына караган «Минем бизнес» үзәге тарафыннан гамәлгә ашырыла.
Исегезгә төшерәбез, «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проектын гамәлгә ашыру кысаларында Татарстан Республикасы Гарантия фонды банкларның бәяләмәсе буенча тотрыклы финанс хәленә ия, әмма кредит алу өчен җитәрлек залог тәэмин ителеше булмаган эшмәкәрләрнең йөкләмәләре буенча поручительлек бирә.
Татарстан эшмәкәрләре Татарстан Республикасы Гарантия фонды сайтында һәм 7(843)293-16-94, 7(903)061-40-18 телефоннары аша гариза бирә, үз бизнесларының гарантияле ярдәм алу шартларына туры килүен тикшерә һәм ташламалы программалар турында тулырак мәгълүмат ала алалар. Шулай ук Фондка түбәндәге адрес буенча мөрәҗәгать итәргә мөмкин: Казан шәһ., Мәскәү ур., 55 нче йорт..
