17 апрельдән 7 майга кадәр Казанда «Мега» сәүдә үзәгендә үзмәшгульләр продукциясе ярминкәләре узачак. «Кече һәм урта эшмәкәрлек» илкүләм проекты ярдәмендә катнашучыларга бушлай җиһазландырылган сәүдә урыннары биреләчәк, алар анда үз продукциясен тәкъдим итә һәм сата алачак.
Татарстан Республикасы Икътисад министрлыгы һәм «Минем бизнес» үзәге 2023 елның 17 апреленнән 7 маена кадәр Татарстан Республикасында «Мега» сәүдә үзәгендә язгы ярминкәләр үткәрәчәк. Ярминкәләр «Кече һәм урта эшмәкәрлек» милли проектын тормышка ашыру кысаларында узачак.
Ярминкәләрдә осталар үзләре җитештергән товарлар – азык-төлек, агач һәм күн әйберләр, фарфор савыт-саба, дизайнер бизәнү әйберләре, фермерлык продукциясе, уенчыклар, өй бизәү әйберләре һәм башка күп нәрсәләр тәкъдим итәләр.
Исегезгә төшерәбез, 2022 елда «Минем бизнес» үзәге һәм Татарстан Республикасы Икътисад министрлыгы ярдәме белән үзмәшгульләр шундый ук ярминкәләрдә 24 млн сумнан артык акча эшләгән. Ярминкәләрдә 1000нән артык үзмәшгуль катнаша.
Үзмәшгульләргә ярминкәләрдә катнашу өчен МСП.РФ цифрлы платформасында гариза бирергә кирәк.
Үзмәшгульләргә ярдәм итүнең бу һәм башка программалары турында консультацияне «Минем бизнес» үзәге телефоны аша алырга мөмкин: +7 (843) 524-90-90.
