Фермер хуҗалыгы башлыгы Кадрия Лотфуллина үз эшчәнлеген  2014 елда Алексеевское бистәсендә авыл хуҗалыгы кошларын үстерүне агымга куеп башлый. 2016 елда предприятие Осиново бистәсенә күчеп килә һәм ярымфабрикатлар һәм кош итеннән әзер әйберләр җитештерү белән шөгыльләнә, соңрак фермер продуктлары сату буенча кибет һәм ресторан комплексы ачыла.

Гаилә фермерлык хуҗалыгы продукциясе «Гудакен» бренды астында чыгарыла. Татар сатып алучылары өчен бик үк гадәти булмаган атама кош итеннән жаркое дигәнне аңлата, аны оригиналь ысул белән әзерлиләр: тавык түшкәсен үрдәк, үрдәкне күркә эченә салалар.

Фермер Кадәрия Лотфуллинаның төп эшчәнлеге –  каз, күркә, үрдәк һәм бройлердан яшь кош-корт бәбкәләре үстерү һәм ярымфабрикатлар җитештерү. Котлетлар, пилмәннәр һәм мантылар кулдан бөгелә, вакуумлы төргәктә ысланган продуктлар җитештерелә башлады. Җитештерелә торган фермер продукциясенең төп өлешен бөтен Россиядән күпләп сатып алучылар сатып ала, шулай ук Казанда авыл хуҗалыгы ярминкәләрендә ваклап сату гамәлгә ашырыла.

Займ акчаларын җәлеп итү белән фермерлык хуҗалыгы башлыгы беренче тапкыр гына очрашмый, 2019 елдан Кадәрия Лотфуллина Россельхозбанкта 4 кредит алган, ә Гарантия фонды поручительлек биргән. Быел фермерга 14,8 млн. сум күләмендә займ акчалары зур заказлар үтәү, кош-корт һәм азык сатып алу өчен кирәк булган.