Гарантия фонды - бизнес өчен яхшы инструмент һәм яхшы ярдәм. Бу ярдәм һәркем өчен ачык булырга тиеш. Заявкаларны карау вакыты тарайсын өчен, банклар белән бу мәсьәләне хәл итәргә кирәк.

Гарантия фонды – чыннан да бизнеска үсәргә ярдәм итә торган оешма. Ак Барс Банк Фондның төп партнерларының берсе, без күп еллар уңышлы хезмәттәшлек итәбез. Күптән түгел генә без уртак продукт – бизнес өчен онлайн-кредит бирүне башлап җибәрдек. Шул сәбәпле эшмәкәр түбән процент белән займ алырга мөмкин. Бу Россиядә дәүләт ярдәме элементлары булган беренче краудлендинг. Фондның барлык хезмәткәрләренә дә уңышлар телибез!

ВТБ банкы банк гарантияләре килешүләре һәм кредитлары буенча йөкләмәләр бирү кысаларында Татарстан Республикасының Гарантия фонды белән актив эшли. ВТБ Фондның банк-партнерлары арасында лидерларның берсе. Шулай ук, хезмәттәшлек кысаларында бездә «Мөмкинлекләр күпере» уртак программасы эшли. ВТБ алга таба да төбәктә эшмәкәрлекне үстерүгә ярдәм итеп, Фонд белән хезмәттәшлекне киңәйтергә планлаштыра.

"Россельхозбанк" акционерлык җәмгыятенең Татарстан филиалы Гарантия фонды белән актив эш алып бара. Гарантия фонды хезмәткәрләре Банк клиентларыннан гаризаларны оператив рәвештә карый һәм һәрьяклап ярдәм күрсәтергә омтыла. Без хезмәттәшлегебезгә шат һәм ул актив рәвештә үсәр дип өметләнәбез.

Безнең уртак эшебез тулаем Татарстанның бизнес-климатына уңай йогынты ясый. Эшмәкәрләр өчен иң оптималь кредит продуктын алу бик мөһим, ләкин аны алуга киткән вакытны да минимальләштерергә кирәк. Гарантия фонды хезмәткәрләре гаризаларны 2-3 көн эчендә карый. Һәрвакыт хезмәттәшлек итәргә һәм барлык мәсьәләләрдә ярдәм күрсәтергә шатбыз.